Эдэбияттан тестлар.

Раздел: Родной язык

Әзерләде: I нче категорияле татар теле һәм әдәбияты укытучысы Минегалиева Илгизә Мансур кызы Конкурска әзерләнгән класстан тыш чара “Тел иленә сәяхәт“ дип исемләнде. Бу чара Габдулла Тукайның тормыш юлына һәм иҗатына багышланды. Аның иҗатын өйрәнүгә Татарстан Республикасында зур әһәмият бирелә. Бу чара 5а һәм 5б сыйныф укучылары арасында уздырылды. Чараның максаты: Г. Тукай турында булган белемнәрне ныгыту; укучыларның тапкырлыкларын, зирәклекләрен арттыру; Г. Тукай иҗатына хөрмәт хисе, телгә мәхәббәт тәрбияләү иде. Чара кроссворд чишүдән башланды. Ә ярыш үзе 7 бәйгене үз эченә алды. Бәйгеләрнең бер-берсе белән тыгыз бәйләнештә булуы укучыларга Тукай иҗатын һәрьяклап ачарга ярдәм итте. Компьютер технологияләр куллану дәресне тагын да җанландырып җибәрде. Куелган максатларга ирешелде. Кулланылган әдәбият : 1.Баттал Ф. Игелек әлифбасы./Ф. Баттал.// Яшь Ленинчы.-1988.-5 март 2.Хуҗиәхмәтов Ә.Н. Тәрбия дәресләре.//Ә. Н.Хуҗиәхмәтов.-Казан:”Матбугат йорты” нәшр.,1998. 3. Нәкый Исәнбәт. Татар халык табышмаклары. //-Казан. “Татарстан китап нәшрияты”.1970.

Раздел: Родной язык

Раздел: Родной язык

Халкыбызның гореф-гадәтләре, йолалары, халкыбыз тарихы Г.Исхакыйның «Кәҗүл читек» хикәясендә киң чагыла. Язучы татар халкын халык иткән гореф-гадәт, традицияләрне сүрәтли. Ул алдан күреп, традицияләрнең дәвам иттерелергә тиешлеген әйтә. Әсәрнең әһәмияте борынгы йолаларны саклауда, югалтмауда. Әдип безнең күңелебезгә шуларны сеңдереп калдырырга тели. Милли гореф – гадәтләр, йолалар, тел милләтнең сыйфатлары буларак уелып кала һәм алар сакланганда гына милләт яши дигән фикерне бирә. Минем эшемнең максаты: Гаяз Исхакыйның “Кәҗүл читек” әсәрендәге татар халкының милли йола, гореф-гадәт һәм традицияләрен бүгенге көн белән чагыштыру, читекләрнең бүгенге көндә тоткан урынын билгеләү. Бирелгән максатымнан чыгып түбәндәге бурычларны куйдым: милли татар читекләре турында мәгълүматлар җыю, яшьтәшләремдә милли аяк киеме-читекләргә карата ихтирам һәм хөрмәт хисләре уяту. Г.Исхакыйның “Кәҗүл читек” хикәясендә милләтебезнең дини бәйрәме – гает бәйрәме күрсәтелә. Гает бәйрәмендә гореф- гадәтләребез беренче урында тора. Йола һәм гореф-гадәтләребез милләтне горурлыкка, рух һәм тән чисталыгына, сакчыл һәм булдыклы, дингә хөрмәт белән карарга өнди. Халык Әхмәдулла кебек гореф-гадәтләрне намуслы үтәүне, гает бәйрәмендә катнашуны, аның традицияләрен җиренә җиткереп башкаруны үзенең изге бурычы итеп санасын иде. Бәйрәмнәрдә милли киемнәр киенү үзе зур куаныч бит Г. Исхакыйның әсәрендә күтәрелгән мәсьәлә укучы күңеленә үтеп керә: уйландыра, сабак бирә, тормыш юлын дөрес сайларга ярдәм итә. Туган телебезне, тарихыбызны, рухи байлыкларыбызны, гореф-гадәтләребезне өйрәнеп, буыннар арасында ныклы бәйләнеш булдырып, бөек милләт булып яшәвебезне дәвам итик.